Logo della Provincia di Oristano

Provincia di Oristano - sito web ufficiale

AGIORNAMENTU PIANU ANTICORRUTZIONE 2022 - 2024

04/01/2022  - 

 PROVÌNTZIA DE ARISTANIS

AVISU PÙBLICU PRO SA PRESENTATZIONE DE CONTRIBUTOS E OSSERVATZIONES PRO

S’AGIORNAMENTU DE SU PIANU PRO SA PREVENTZIONE DE SA CORRUTZIONE - TRIÈNNIU 2022/2024

Sa Provìntzia de Aristanis, in s'àmbitu de sas initziativas e de sas atividades in matèria de preventzione de sa corrutzione e de trasparèntzia, a segus de sa proposta de sa Responsàbile de sa preventzione de sa corrutzione (RPC), depet aprovare a intro de su 31 de ghennàrgiu 2022 su "Pianu Triennale de Preventzione de sa  Corrutzione (P.T.P.C.) 2022/2024", chi includet fintzas una setzione ispetzìfica in contu de sos òbligos de trasparèntzia.

Cunforma a su chi est prevididu in su Pianu Natzionale Anticorrutzione - aprovadu cun Delìbera de sa CIVIT (como ANAC) n. 72 de s'11 de cabudanni 2013, agiornadu cun determinatzione ANAC n. 12 de su 28 de santugaine 2015, cun Delìberas ANAC n. 831 de su 3 de austu 2016, n. 1208 de su 22/11/2017, cun Delìbera n. 1074 de su 21/11/2018, torradas a ammentare in sa Delìbera n. 1064 de su 13/11/2019 – in sa fase de agiornamentu de su Pianu si cheret acumprire una forma de consultatzione, interessende a sos tzitadinos e sas organizatziones chi si òcupant de interesses colletivos, in ocasione de s'elaboratzione o agiornamentu de su Pianu pròpiu.

Pro garantire de interessare su prus chi faghet in custa protzedura de consultatzione, s’invitant sos sugetos portadores de interesse in relatzione a s'atividade de s'Amministratzione, siant sugetos pùblicos o privados, amministradores comunales, grupos organizados o no, tzitadinos sìngulos, a fàghere arribare propostas e osservatziones.

Sas osservatziones o propostas podent èssere mandadas a su Responsàbile de sa preventzione de sa corrutzione e de sa trasparèntzia amministrativa, e fintzas a s'indiritzu de posta eletrònica de s'Ente Provìntzia.Aristanis@cert.legalmail.it  a intro de su 10 de ghennàrgiu 2022.

Si allegat a custu avisu su mòdulu de compilare pro mandare propostas e/o osservatziones e s’avisat ca sas propostas o osservatziones anònimas no ant a èssere leadas in consideru.

Custu avisu est publicadu in su situ internet de s'Ente.

Si torrat gràtzias a totu sos interessados chi ant a collaborare pro sa partetzipatzione chi ant a  chèrrere dare pro s'agiornamentu de su Pianu.

Aristanis, 24.12.2021

                                                                     Su Segretàriu Generale

                             Responsàbile pro sa Preventzione de sa Corrutzione e de sa Trasparèntzia

                                                                 f.du dot.ra Maria Teresa Sanna

(MM)